ولسه بنعيش فيها وهنعيش وهنكمل طبعا طول ما فينا احساس وبيجري في عروقنا البتاع الي اسمو ايه دا يوه نسيتووووو ايون الدم هو دا
اسم الله عليكي ياديدي 1bb: وانتي مش بتنسي حاجه خالس كده ربنا يحروسك من الزهيمر وبلاويه
ندخول في الجد بقي وكفايا علينا هزار عشان بتقلب كتير بتهريج وكده اليوم هيبقي كله فرفشه وغلط علينا في الزمن الاغبر دا
بصو بقي دلوقت في عندي حاجه كده كنت بحضرها في الاستوخوبوس من فتره وهتبدأ النهرده بيها ان شاء الله مش هطول عليكو وادخل علتول في الهزار يوه قسدي الجد ( باينلو الزهيمر جه تاني يا ولاد ارحمنا يارب )
كل كام يوم كده وكل فتره هكتب حاجه من حياتنا الي بتحصل بجد بس مش بطريقه انسانيه لأ بطريقه فكاهيه شويه بطريقه هزليه حبتين بعيد عنكو المراره صعبه والواحد عندو ايه غير مرارتين واحده اتفقعت والتانيه علي وشك ههههههههههه
نشوف معانا اول بلوي النهرده من برنامجنا اه من ديدي وبلاويها والي بيجري فيها وتبعا كولو عارف مين هي ديدي عروستي
--------------------------
معلش يا جماعه انا عارفه انى معنديش نقطه احمر ...(دم يعنى) بعيد عنكو الحاجات دي اخنفت من فتره ومحدش عارفلها قرااااااار :
اسلو كنت نايمه مع اهل الكهف....بس تقريبا كده اهل الكهف صحيوا قبلى ومصحونيش......
واذ فجأه وانا نايمه وعلى حين غره (متسألونيش يعنى ايه ...معرفش هم بيقولوها كده وياريت بلاش الكلام الجانبي وحياتك منك ليه )........لقيت ناس بتصحينى وبتقوللى
قومى يا بت يا ديدي ( اوباما ) جاى
صحيت مفزوعه وانا بقول (في ايه جري ايه مين الي حسل) .......بس اوباما مين ؟ وجاى فين ؟
قالولى ....يا بت يا ديدي يا عبيطه مانتيش عارفه اوباما رئيس امريكا .....يا خيبتك يا خيبتك
قولتلهم ....اه يا جماعه انا اسفه معلش ....اصلى اما نمت كنت نايمه ايام (الجزمه ) ....فمعرفتش ايه اخر التطورات
قالولى ......(اوباما ) جاى مصر............قولت يا سلام احنا ف ديك الساعه وللا ف فرختها حتى
صحيت من النوم وانا لسه بفرك عينى وبفتح الراديو ......ايوه الراديو واحده نايمه مع اهل الكهف هفتح ايه (dvd) بلا بيلا
المهم فتحت الراديو على صوت مذيعه كده باين من صوتها انها مضروبه بالنار قبل ماتذيع الخبر وبتقول :
صباح الخير اعزائى المستمعين ......ركزوا معايا يا جماعه.......... قولت اما نركز شويه ونشوف ستو هانم عايزه ايه في يومها دا
بما ان رئيس اكبر دوله مستر (باراك اوباما )...هيشرف وينور ويعطر مصر الموكوسه ...سورى اصدى المحروسه رجاء خاص ....يا ريت مانشوفش اشكالكوا ف الشوارع انهارده....يعنى بمعنى اصح (اذا بليتم فاستتروا )
واحنا كمان هنمنع اى مواصلات من التجول فى شوارع القاهره.....مش عايزين بقى نظام رمسيس عتبه والهبل دا ....كل واحد فيكو بقى يتلم ف بيته ويقعد كده مستكين .....يتفرج على ( اوباما ) ف التليفزيون وانا وانت واتفرج يا جدع
قولت يللا احسن بلاها شغل انهارده كلمت الشغل ..رد عليا نائب المدير
روحت الشغل كما المغلوب على امره ....واتفرجت ف الشغل على خطاب (اوباما)......بصراحه كلامه اذهلنى ونال اعجابى خصوصا اهتمامه بالعالم الاسلامى .....وعلاقه العالم الاسلامى بالغرب .....ولكن يبقى السؤال .....
هل كلام الليل مدهون بسمنه يطلع عليه النهار يسيح ؟ ( ايه ام احمد اللى ظهرت فجأه دى )
اقصد يعنى تفتكروا كلام اوباما دا نابع من حقيقه جواه فعلا ؟ (واذا كان ذلك صحيحا فهو يستحق خلع القبعه وليس خلع الحذاء مثل سابقه وياريت محدش يعلق كتير عشان انا عايزه اروح ابوزعبل لوحدي الي عايز ييجي يعلق بقي هو حوووور )
ام ان كلامه هذا لا يعدو مجرد كلام.........وهذا ما ستكشفه الايام ......والى ان نصل الى هذا الزمان .....تبقى عباره
(يا خوفك يا بدراااااان )
وسكت الزمان ووقفت عقارب السااعه الي ان نلتقي بكم في الحلقه القااااادمه من برنامج اه من ديدي وبلاويها ااه والي بيجري فيها ها يا ديدي هاااااا فوتكم بالعافيه
اه نسيت اقوولكو علي حاجه الكلام دا مش كله مني انا لوحدي دا منو كلام قريتو وشوفتو وركبتو وجمعتو ومنتجتو وجبتو ويالا بينا بقي نشوف رأيكم والسلام ختام 1bb:
موضوع: اه من ديدي وبلاويها والي بيجري فيها 
الأربعاء سبتمبر 23, 2009 9:57 am
ايون الدم هو دا 
