طرق جااامده جدا عشان تعكنن بيها علي مراتك

1-الصبح
وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان
تصحيها هى كمان 00 اشمعنى انت ؟ ولو حاولت ترجع تنام تانى قالها مادام صحيتى حضري
الفطار بقى ياروحى

2-ذا كنت بتتفرج على التلفزيون وهى عايزة تغير القناة 00
قالها معلش الحلقة دى مهمة جدا واحد صحبى شافها على القناة الفضائية وقالى ان
الحلقة دى هى المسلسل كله 00 ولو كنت بتتفرج على ماتش كورة هيبقى الموضوع اسهل 00
كل ما حد من اللاعبين من اى فريق يمسك الكورة قالها معلش ثوانى بقى انا حاسس ان
الكورة دى جون حتى لو كان حارس المرمى ماسك الكورة والماتش واقف لان فى واحد مصاب
ملاحظة(معظم النساء يكرهون الكره بصفة عامة)

3-إصحى يوم الجمعة بهمة ونشاط
وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5
حلل من اللى عندكم فى المطبخ و 10 كوبيات لاعداد طبق بيض وسندوتش جبنة
ويراعى
فى هذة الطريقة/ ترك اثار سمنة على الارض مع ترك التلاجة مفتوحة وقشر البيض فى
الحوض

4-فى عيد ميلادها زينلها تورتة عيد ميلادها بخمسين شمعة ولو سألتك لية
خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة
اللى عندكم اللى فيها 30 لمبة مع ابتسامة صفراء خفيفة

5-لو عملة ريجيم اجرى
على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى
التجول وانت مستمتع بأكل الجاتوة امامها

6-متنساش رأيك فى طبيخها لو عاملة
لحمة قالها حلو اوووى الفراخ دى 00ولو طبخة بامية 00 جميلة اوى الملوخية دي ياحياتي
حطة عليها اية ؟؟ ولو عملة كيكة قالها انا بحب
اشرب شاى مع البسكويت الحلو دة
!!

7-لو طلبت منك تنشر الهدوم قالها حاضر مع ابتسامة حانية وبعد ما تخلص نشر
الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك
هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك
علشان متبقاش مقصودة منك !

8-لو الزوجة قررت مسح الارضيات فى البيت حاول انك
تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة
عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن
كمان شوية

9-لو كانت مشغولة فى نظافة البيت او مع الاولاد وطلبت منك تغسل
كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ
وانت ماسك كوبية من الاتنين وهى مكسورة واسألها فى براءة ارمى دى فين
؟؟

10-وانت قاعد تتفرج على التلفزيون
وهى طالع عينها فى تنظيف البيت وبعد
ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية
علشان ظهرى بيوجعنى

ههههههههههههه ربنا يخليك لمصر(

ليه يا عم كده الشر ده
اصلكوا ما بتتعبوش في حاجه
ماتعرفوش ان وجودكم في حياتنا اساسا عكننه

ايه الافترى ده يا عم حرااااااااااااام عليك لو الرجاله عملو كده الستات هاتعنس

ههههههههههههههههههههههههه طيب ده بالنسبه لمراتى مفيش حاجة بقى لحماتى

موضوعك ده من الأخر وجميل وشيق وتستاهل اكثر من
شهاده تقدير وتسلم ايدك وانا اديتك رائيي في الموضوع الجميل ده ارجو انك
تديني رايك وترد عليه في الموضوع بتاعي زي مارديت عليك انا اسمي مستر* ايكس